http://www.globaltamilnews.net/rss.php Global Tamil News - RSS for News en-us admin@globaltamilnews.net (Admin) admin@globaltamilnews.net (Admin) http://www.globaltamilnews.net/tamil_news.php?nid=33455 http://www.globaltamilnews.net/tamil_news.php?nid=33455   விளக்கமறியலில் வைக்கப்பட்டிருந்த அனைத்து பல்கலைக்கழக மாணவர் ஒன்றியத்தின் ஏற்பாட்டாளர் உந்துல் பிரேமரட்னவை நிபந்தனை பிணையில் விடுதலை செய்து கொழும்பு மேல் நீதிமன்றம் உத்தரவிட்டுள்ளது.   50 ஆயிரம் ரூபா ரொக்கப் பிணை மற்றும் 5 லட்சம் ரூபா சரீர பிணைகளில் உந்துல் பிரேமரட்னவை விடுதலை செய்து நீதிபதி தீபாலி விஜேசுந்தர உத்தரவிட்டுள்ளார். அத்துடன் சுவரொட்டிகளை ஒட்டுதல், கூட்டங்கள் போன்ற மாணவர் சங்க விடயங்களில் கலந்துக்கொள்வதற்;கு நீதிமன்றம் தடைவிதித்துள்ளது.   தடைசெய்யப்பட்ட விடயங்களில் ஈடுபட்டால் பிணை இரத்துச் செய்யப்பட்டு மீண்டும் கைதுசெய்யப்படுவார் என நீதிபதி பிரேமரட்னவுக்கு எச்சரிக்கை விடுத்தார்.   எதிர்வரும் 13 ஆம் திகதி தென்னாபிரிக்காவில் நடைபெறும் உலக மாணவர் சங்க மாநாட்டில் கலந்துக்கொள்ள உந்துல் பிரேமரட்னவுக்கு அழைப்பு விடுக்கப்பட்டுள்ளதாக பிணை கோரிக்கையை தாக்கல் செய்து கருத்து வெளியிட்ட பிரேமரட்னவின் சட்டத்தரணி  கூறினார். இதனை விசேடமான காரணமாக கருதி அவரை பிணையில் விடுதலை செய்யுமாறும் அவர் கோரிக்கை விடுத்தார்.   இந்த நிலையில் அண்மையில் உயர்க்கல்வி அமைச்சுக்குள் நுழைந்து அரச உடமைகளை சேதப்படுத்திய சம்பவத்தில் சந்தேக நபர் பொறுப்பாக செயற்பட்டுள்ளதாகவும் இதனால் அவரை பிணையில் விடுதலை செய்யக் கூடாது என அரச தரப்பு சட்டத்தரணி மன்றில் தெரிவித்தார். அத்துடன் சந்தேக நபர் வெளிநாடு சென்றால் மீண்டும் நீதிமன்றத்தில் ஆஜராவதில் சந்தேகம் இருப்பதாகவும் அவர் குறிப்பிட்டார். எவ்வாறாயினும் முன்வைக்கப்பட்ட வாதங்களை ஆராய்ந்த நீதிபதி உந்துல் பிரேமரட்வை பிணையில் விடுதலை செய்து உத்தரவிட்டார். Thu, 09 Dec 2010 06:10:25 -0600 http://www.globaltamilnews.net/tamil_news.php?nid=33454 http://www.globaltamilnews.net/tamil_news.php?nid=33454 இந்திய இறையாண்மைக்கு குந்தகம் விளைவிக்கும் நோக்கில் பேசியதாகவும்இ சிங்களர்களின் உயிருக்கு அச்சுறுத்தல் ஏற்படும் வகையில் பேசியதாகவும் கடந்த ஐந்து மாதங்களுக்கு முன்பு கைது செய்யப்பட்டு வேலூர் சிறையில் தேசியப் பாதுகாப்புச் சட்டத்தின் கீழ் அடைக்கப்பட்டிருந்தார் நாம் தமிழர் இயக்கத் தலைவர் சீமான்.   தன் மீது தேசியப் பாதுகாப்புச் சட்டத்தை பிரயோகிக்கும் படி உத்தரவிடும் உரிமை சென்னை மாநாகர போலீஸ் உதவி ஆணையர் சஞ்சய் அரோராவுக்கு கிடையாது என்றும் அவர் உதவி ஆணையரே தவிற ஆணையர் கிடையாது என்றும் ஆகவே சீமானை விடுதலை செய்ய வேண்டும் என்றும் சீமானின் சகோதரர் சென்னை உயர்நீதிமன்றத்தில் வழக்குத் தொடர்ந்திருந்தார். 16 ‐வது முறையாக இந்த வழக்கு இன்று விசாரணைக்கு வந்த போது இன்றும் தமிழக அரசு தரப்பு வழக்கில் தங்கள் தரப்பு வாதங்களை எடுத்து வைக்க கால அவகாசம் கேட்க சீமான் தரப்பு வழக்கறிஞர்களோ அதற்கு கடும் எதிர்ப்புத் தெரிவித்தனர். இன்றே வழக்கை விசாரணைக்கு எடுத்துக் கொள்ள வேண்டும். அவர்களின் வேண்டுகோளை ஏற்று வழக்கு விசாரணைக்கு எடுத்துக் கொள்ளப்பட்டது.   ""சீமான் பேசியதால் தமிழகத்திற்கு வந்து போகும் எந்த சிங்களவருக்கும் ஆபத்து நேரவில்லை. பொது அமைதிக்கும் பங்கம் வரவில்லை. இந்த வழக்கே அரசியல் உள்நோக்கத்துடன் சட்டத்திற்கு புறம்பான வகையில் புனையப்பட்டுள்ளது. என்றும் வாதிட்டனர். அரசுத் தரப்போ வன்முறை வெடிக்கும் என்ற அச்சத்திலேயே சீமானை சிறைக்கு அனுப்பியதாகக் கூட இடை மறித்த நீதிபதி வன்முறை வெடிக்கும் என்ற உங்களின் நம்பிக்கைக்காகவெல்லாம் ஒருவரை சிறையில் வைக்க முடியாது என்றார்.   மேலும் இரமேஸ்வரத்தில் மீனவர்கள் கொல்லப்படுகிறார்களே அதற்கு அரசு என்ன நடவடிக்கை எடுத்துள்ளது. என்றும் கேள்வி எழுப்பினார். இந்த வழக்கு அரசியல் நோக்கத்துடன் தொடரப்பட்டுள்ளதால் சீமான் மீது போடப்பட்ட தேசியப்பாதுகாப்புச் சட்டத்தை ரத்து செய்கிறேன். என்றார். சென்னை உயர்நீதிமன்றத்தின் இத்தீர்ப்பின் நகல் வேலூர் சிறையதிகாரிகளுக்குக் கிடைத்ததும் நாளை காலை சீமான் வேலூர் சிறையிலிருந்து விடுதலையாவார் என்று தெரிகிறது. Thu, 09 Dec 2010 07:05:51 -0600 http://www.globaltamilnews.net/tamil_news.php?nid=33453 http://www.globaltamilnews.net/tamil_news.php?nid=33453 சிறீலங்கா அரசு மீதான சுயாதீன போர்க்குற்ற விசாரணைக்கான கோரிக்கை வலுப்பெறும் வகையில் தாம் வெளியிட்டுள்ள காணொளிக் காட்சி அமைந்துள்ளதாக, முன்னணி போர்க்குற்ற சட்ட வல்லுனரின் ஆய்வுதவியுடன் பிரித்தானியாவின் சனல்‐4 தொலைக்காட்சி தெரிவித்துள்ளது.இன்று (புதன்கிழமை) இரவு 7:00 மணிச் செய்தியறிக்கையில் 8 நிமிடங்கள்வரை ஆய்வுச் செய்தியை வெளியிட்டுள்ள இந்தத் தொலைக்காட்சி, கடந்த வாரமும், அதற்கு முன்னரும் தாம் வெளியிட்ட காணொளிக் காட்சிகள் போர்க்குற்ற ஆதாரங்களாக அமையும் எனவும் கூறியிருக்கின்றது.   இலங்கையில் இடம்பெற்ற இறுதிப் போரின்போது கொல்லப்பட்ட பல்லாயிரக்கணக்கானோரில் கடந்த வாரம் தாம் வெளியிட்ட காணொளியில் உள்ள இசைப்பிரியா என அழைக்கப்படும் (கொல்லப்பட்டபோது) 27 அகவுடைய சோபாவும் உள்ளடங்குவதாகவும், அதனை அவரது தோழிகளில் (9 வருடங்கள்) ஒருவரும், முன்னாள் போராளியும், தற்பொழுது லண்டனில் வசித்துவரும் கல்பனா உறுதிப்படுத்தியுள்ளதையும் கல்பனாவின் முகம் மறைக்கப்பட்ட செவ்வியுடன் இந்தத் தொலைக்காட்சி வெளிக்கொண்டு வந்திருக்கின்றது.பிரித்தானியாவின் சனல்‐4 தொலைக்காட்சி வெளியிடும் இவ்வாறான காணொளிச் சாட்சிகளை சிறீலங்கா அரசு தொடர்ச்சியாக மறுத்து வருகின்ற போதிலும், கடந்த பல மாதங்களிற்கு முன்னர் தாம் வெளியிட்ட இளைஞர்கள் வரிசையாகச் சுட்டுக்கொல்லப்படும் காட்சியை ஐக்கிய நாடுகள் சபையின் சிறப்புத் தூதுவர் பிலிப் அல்ஸ்ரன் ஆய்வு செய்து, அது உண்மையான காணொளி எனக் கூறியிருந்ததையும் இந்தத் தொலைக்காட்சி அடிக்கடி நினைவூட்டுவதுடன், ஏனைய பல சட்ட மற்றும் போர்க்குற்ற வல்லுனர்களின் ஆய்வுக் கருத்துக்களையும் தொடர்ச்சியாக வெளியிட்டு வருகின்றது. இசைப்பிரியா தமிழீழ விடுதலைப் புலிகளின் ஊடகம், மற்றும் தொடர்பாடல் பிரிவில் பணியாற்றிய ஒரு முக்கிய போராளி எனவும், இவர் போரிடும் படைப் பிரிவை சார்ந்தவர் அல்ல எனவும் சுட்டிக்காட்டும் இந்தத் தொலைக்காட்சி, அதற்கு அவரது நண்பியான நேரடிச்சாட்சி கல்பனாவின் கருத்துப் பகிர்வையும் அளித்திருக்கின்றது.இதேவேளை, லெப்ரினன்ட் கேணல் தரத்திலுள்ள இசைப்பிரியா என்பவர் மேஜர் ஜெனரல் கமால் குணரத்ன தலைமையிலான 53வது படையணியினால் கடந்த மே மாதம் 18ஆம் நாள் கொல்லப்பட்டிருப்பதாகவும், இவர் நேரடிச் சண்டையிலே தம்மால் கொல்லப்பட்டதாகவும் சிறீலங்கா பாதுகாப்பு அமைச்சின் இணையத்தளம் கடந்த மே மாதம் செய்தி வெளியிட்டுள்ளதைச் சுட்டிக்காட்டும் இந்தத் தொலைக்காட்சியின் வெளிவிவகாரச் செய்தியாளர் ஜொனதன் மில்லர், அவ்வாறு போரிடும்போது கொல்லப்பட்டிருந்தால், ஏன் இசைப்பிரியாவின் கைகள் பின்புறம் கட்டப்படுள்ளது எனவும், நிர்வாணப்படுத்தப்பட்ட நிலையில் அவரது உடலம் காணப்படுவதையும் குறிப்பிடுகின்றார்.   இருதய நோய் காரணமாக மருத்துவ ஆலோசனைக்கு இணங்க இசைப்பிரியா போரிற்கு செல்வதில்லை எனவும், அவர் விடுதலைப் புலிகளின் ஊடகங்களில் பணியாற்றியவர் எனவும், ஊடகவியலாளரான இவர் நடனம், நாடகம், பாட்டு போன்ற பல்துறை வல்லுனர் எனவும் அவரது நண்பியை ஆதாரம்காட்டி தகவல் வெளியிடப்பட்டுள்ளது. அத்துடன், இசைப்பிரியா தமிழீழ தேசிய தொலைக்காட்சியில் செய்தி வாசித்த காணொளிக் காட்சியையும் ஒளிபரப்பியுள்ள சனல்‐4, அவர் கரும்புலிகள் பற்றிய பாடலுக்கு நடிக்கும் காட்சியையும் தனது செய்தியறிக்கையில் இணைத்துள்ளது.       கடந்த வாரம் காணொளி வெளியிடப்பட்டது போன்று இவ்வாரமும் முன்னணி போர்க்குற்ற சட்ட வல்லுனரின் கருத்தைப் பதிவு செய்துள்ள பிரித்தானியாவின் சனல்‐4 தொலைக்காட்சி, மெட்றிக் சம்பேர்ஸ் எனப்படும் அமைப்பின் போர்க்குற்ற சட்ட வல்லுனர் ஜீலியன் நொவெல்ஸிற்கு இந்தக் காணொளிகளைக் காண்பித்தபோது, அவை மிக முக்கிய போர்க்குற்ற ஆதாரங்கள் எனவும், இந்தப் போர்க் குற்றம் புரிந்தவர்கள் நிச்சயம் சட்டத்தின் முன் நிறுத்தப்பட்டு தண்டனை வழங்கப்பட வேண்டும் எனவும் அவர் கூறியதையும் ஒளிபரப்பி இருக்கின்றது.போராளியான இசைப்பிரியா விடுதலைப் புலிகளின் தளபதி ஒருவரை திருமணம் முடித்திருந்தார். இவர்களது 6 மாதக் குழந்தையையும் வன்னியில் இடம்பெற்ற இறுதிப்போரில் பறிகொடுத்திருந்த நிலையில், இசைப்பிரியாவை சிறீலங்கா படையினர் பாலியல் வல்லுறவுக்கு உட்படுத்தி மிகக்கொடுரமாகப் படுகொலை செய்திருப்பதாக நம்பப்படுகின்றது. Thu, 09 Dec 2010 03:18:02 -0600 http://www.globaltamilnews.net/tamil_news.php?nid=33449 http://www.globaltamilnews.net/tamil_news.php?nid=33449 ஐவரி கோஸ்ட் ஜனாதிபதித் தேர்தலில் எதிர்க்கட்சித் தலைவர் அலசானி ஒயூஆட்ரா வெற்றியீட்டியதாக ஐக்கிய நாடுகளின் பாதூப்புப் பேரவை அறிவித்துள்ளது.   சர்ச்சைக்குரிய ஜனாதிபதித் தேர்தலில் எதிர்க்கட்சித் தலைவரே வெற்றியீட்டியதாக பாதுகாப்புப் பேரவை குறிப்பிட்டுள்ளது.   ஐவரி கோஸ்ட் ஜனாதிபதித் தேர்தல் தொடர்பில் பாதுகாப்புப் பேரவையில் மூன்று நாள் விவாதம் நடைபெற்றுள்ளது. ஐவரி கோஸ்ட்டின் ஜனாதிபதி காபாக்பூ சர்வதேச அழுத்தங்களை மீறி தொடர்ந்தும் ஆட்சி அதிகாரத்தை தக்க வைத்துக் கொள்ளும் முனைப்புக்களில் தீவிரம் காட்டி வருகின்றார்.   நாட்டு மக்களின் அபிலாஷைகளுக்கு புறம்பான வகையில் ஜனாதிபதி செயற்பட்டு வருவதாக ஐக்கிய நாடுகளின் பாதுகாப்புப் பேரவை அறிவித்துள்ளது.   இதேவேளை, ஐக்கிய நாடுகள் அமைப்பு எல்லை மீறிச் செயற்படுவதாக ரஸ்யா அறிவித்துள்ளது. ஒரு வேட்பாளருக்கு மட்டும் ஆதரவளிக்கும் செயன்முறை ஏற்றுக்கொள்ளக் கூடியதல்ல என ரஸ்யா குறிப்பிட்டுள்ளது.   Thu, 09 Dec 2010 06:29:26 -0600 http://www.globaltamilnews.net/tamil_news.php?nid=33448 http://www.globaltamilnews.net/tamil_news.php?nid=33448   இலங்கைக்கு எதிராக அமெரிக்க தூதரக அதிகாரிகள் அமெரிக்க ராஜாங்க திணைக்களத்திற்கு அனுப்பிய முக்கியமான 112 இரகசிய ஆவணங்கள் குறித்து சுயாதீனமான விசாரணைகளை நடத்த அரசாங்கம் தீரமானித்துள்ளது. இந்த இரகசிய தகவல்களை வழங்கிய இலங்கையர்கள் கண்டறியப்படுவதை தடுக்கவும் அந்த தகவல்கள் பரவதை தடுக்கவும் அமெரிக்க அதிகாரிகள் வீக்கிலீக்ஸ் இணையத்தளத்தை முடக்கிய போதிலும் இலங்கை தொடர்பான தகவல்கள் அதற்கு முன்ரே வெளியாகி விட்டன.   விக்கிலீக்ஸ் இணையத்தளத்தில் இலங்கை தொடர்பான இரகசியங்கள் வெளியாகியதால், இலங்கையில் உள்ள அமெரிக்க தூதரக அலுவலகத்தில் அரசியல் மற்றும் பாதுகாப்பு விவகாரங்களுக்கான அதிகாரிகள் தற்போது இலங்கை தொடர்பான விசாரணைகளில் ஈடுபட்டு வருவதாக அரசாங்கத்திற்கு உறுதியாகியுள்ளது. முடிவடைந்த கால பகுதியில் அமெரிக்க தூதரகம், இலங்கை குழுவொன்றை அமெரிக்க ராஜாங்க திணைக்களத்திற்கு அனுப்பியிருப்பதாக இலங்கை புலனாய்வுப் பிரிவினருக்கு தகவல்கள் கிடைத்துள்ளதாக திவயின தெரிவித்துள்ளது.     Thu, 09 Dec 2010 01:42:52 -0600 http://www.globaltamilnews.net/tamil_news.php?nid=33447 http://www.globaltamilnews.net/tamil_news.php?nid=33447   லண்டனிலுள்ள புலிகளுக்கு எதிரான தரப்புகளைச் சேர்ந்த வட்டாரங்களிலிருந்து அண்மையில் வெளியாகியிருக்கும் தகவல்களுக்கேற்ப வன்னியில் அரச படையினர் இறுதிப்போரைத் தீவிரமாக மேற்கொண்டிருந்த காலகட்டத்திலும் அதற்கு முன்னரான போர் நடவடிக்கைகளின் போதும் வன்னியிலிருந்து வெளிநாடுகளுக்குத் தப்பியோடிய புலிகள் இயக்கத்தின் கரும்புலி பிரிவினர்கள் அடங்கிய தீவிர குழுவொன்று லண்டனில் இயங்கி வருவதாகத் தெரிய வந்துள்ளது.   லண்டனில் புலிகள் இயக்கத்தின் செயற்பாடுகள் பற்றிய கண்காணிப்பும் தடை நடவடிக்கைகளும் மேற்கொள்ளப்பட்டிருப்பதால் மேற்படி கரும்புலிகளின் குழுவினர் புலிகள் இயக்க உறுப்பினர்கள் என்ற வகையில் பகிரங்கமாக இயங்காமல் சாதாரண தமிழ் மக்கள் போலவே நடமாடி வருவதாக குறிப்பிட்ட புலிகளுக்கு எதிரான வட்டாரங்கள் தெரிவித்துள்ளன.   மேலும் இந்தக் குழுவினரே அண்மையில் ஒக்ஸ்போர்ட் பல்கலைக்கழகத்தில் உரையாற்ற இருந்த இலங்கை ஜனாதிபதிக்கு எதிராகக் குறிப்பிட்ட சொற்பொழிவு நிகழ்ச்சி ரத்து செய்யப்படுவதற்கு மூல காரணமாக இருந்தவர்கள் எனத் தெரியவந்துள்ளது.   மேலும் ஒக்ஸ்ட்போர்ட் பல்கலைக்கழகத்துக்கு அருகில் இந்த குழுவினரே எதிர்ப்பு ஆர்ப்பாட்டத்தில் ஈடுபட்டனர் எனவும் இவ்வாறு இவர்கள் பல்கலைக்கழகத்துக்குச் சமீபமாக வருவதற்கு லண்டனில் இயங்கும் உலகத்தமிழர் அமைப்பே ஒழுங்குகளை மேற்கொண்டதாகவும் குறித்த லண்டனிலுள்ள புலிகளுக்கு எதிரான குழுவினர் தரப்பில் தெரிவிக்கப்பட்டுள்ளது.   மேலும் வன்னியில் உலகத்தமிழர் அமைப்பு ஒரு அரசு சார்பற்ற நிறுவனமாகச் செயற்பட்டு வந்தகாலகட்டத்தில் வன்னியில் இந்த அமைப்பின் சார்பில் செயற்பட்டு வந்த மின் மார்ட்டின் எனப்படும் பிரபல நபரே தற்போது லண்டனிலுள்ள மேற்படி கரும்புலி குழுவினருடன் சேர்ந்து இயங்கி வருவதாகத் தெரியவருகிறது. இதேவேளை லண்டனில் இலங்கை ஜனாதிபதிக்கு எதிரான ஆர்ப்பாட்டங்களின் பின்னணியில் மேற்படி கரும்புலிக குழுவினரும் உலகத்தமிழர் அமைப்பினரும் செயற்பட்டார்கள் என, குறித்த புலிகள் எதிர்ப்பாளர்களின் வட்டாரங்கள் தகவல் தெரிவித்துள்ளது.     Thu, 09 Dec 2010 02:30:14 -0600 http://www.globaltamilnews.net/tamil_news.php?nid=33446 http://www.globaltamilnews.net/tamil_news.php?nid=33446   இலங்கையின் வடக்கில் இடம்பெயர்ந்துள்ள மக்களை மீள்குடியேற்றி, அபிவிருத்திகளை முன்னெடுப்பது தொடர்பாக பிரித்தானிய நாடாளுமன்ற கட்டிடத் தொகுதியில் கடந்த மாதம் 25 ஆம் திகதி நடைபெற்ற பேச்சுவார்த்தையின் தான் நாடாளுமன்ற உறுப்பினர் ஜயலத் ஜயவர்தனவை சந்தித்ததாக புதிய இடதுசாரி முன்னணியின் தலைவர் கலாநிதி விக்ரமபாகு கருணாரட்ன தெரிவித்துள்ளார்.   இந்த பேச்சுவார்த்தையை தயா லியனகே என்பவர் ஏற்பாடு செய்திருந்தார். எனினும் 25 ஆம் திகதிக்கு பிறகு தான் ஜயலத் ஜயவர்தனவை காணவில்லை எனவும் விக்ரமபாகு குறிப்பிட்டுள்ளார். தனது லண்டன் பயணம் குறித்து கருத்து வெளியிட்ட விக்ரமபாகு, தாம் லண்டனில் சுமார் 20 கூட்டங்களில் உரையாற்றியதாகவும் இந்த கூட்டங்களில் கலந்து கொண்ட இலங்கையர் மத்தியில் விடுதலைப்புலிகளின் உறுப்பினர்கள் இருந்தார்களா என்பதை தான் அறியவில்லை எனவும் குறிப்பிட்டுள்ளார்.   இலங்கையில் ஆட்சியில் இருக்கும் தற்போதைய அரசாங்கத்திற்கு எதிராக தான் கூட்டத்தில் உரையாற்றியதாகவும் லண்டன் ஆர்ப்பாட்டம் இரவில் நடைபெற்றதால், குளிரில் நடுங்கி கொண்டு அதில் கலந்து கொள்ளும் தேவை தனக்கு இருக்கவில்லை எனவும் புதிய இடதுசாரி முன்னணியின் தலைவர் தெரிவித்துள்ளார். Thu, 09 Dec 2010 01:58:28 -0600 http://www.globaltamilnews.net/tamil_news.php?nid=33445 http://www.globaltamilnews.net/tamil_news.php?nid=33445 இரணைமடுக்குளத்தில் மீன்பிடியில் ஈடுபட பாதுகாப்பு செயலாளர் கோதாபய ராஜபக்ஷ அனுமதி வழங்கிய பின்னரும் சில இராணுவ அதிகாரிகள் அதற்கு தடை ஏற்படுத்தி வருவதாக கடற்றொழில் நீரியல்வள அமைச்சர் டாக்டர் ராஜித சேனாரத்ன சனிக்கிழமை சபையில் தெரிவித்தார்.   பாராளுமன்றத்தில் நடைபெற்ற கடற்றொழில் நீரியல்வள அமைச்சு தொடர்பான வரவுசெலவுத்திட்ட குழுநிலை விவாதத்தின் இறுதியில் பதிலளித்து பேசும் போதே அமைச்சர் சேனரத்ன இந்த தகவலை வெளியிட்டார்.   அவர் இங்கு மேலும் பேசுகையில் இரணைமடுக் குளத்தில் மீன்பிடிக்க தடை நிலவுவதாக விஜயகலா மகேஸ்வரன் எம்.பி. கூறினார். எனினும் எனது வேண்டுகோளின் பேரில் இரணைமடு குளத்தில் மீன்பிடியில் ஈடுபடுவதற்குப் பாதுகாப்பு செயலாளர் அனுமதிவழங்கி உத்தரவும் பிறப்பித்தார்.   இதன்பிரகாரம் படையினரின் தளம் இருக்கும் ஒரு பகுதியை தவிர இரணைமடுக் குளத்தின் ஏனைய அனைத்து பகுதிகளிலும் மீன்பிடியில் ஈடுபட முடியும்.எனினும் அதற்கான பாதுகாப்பு செயலாளரின் உத்தரவு கிடைக்காத சில இராணுவ கட்டளை அதிகாரிகள் அங்கு மீன்பிடிக்க தடங்கல் ஏற்படுத்தி வருகின்றனர்.   இதேநேரம், நான் இந்த அமைச்சை பொறுப்பேற்கும் போது 800 இலங்கை மீனவர்கள் இந்திய சிறைச்சாலையில் இருந்தனர். கடந்த ஜூலை,  ஆகஸ்ட், செப்டெம்பர் மாதங்களில் எவரும் கைது செய்யப்பட்டிருக்கவில்லை. அதேபோல் அக்டோபர் 25 ஆம் திகதி வரை எவரும் கைதாகவில்லை.அதன் பின்னர் போய் பார்த்தனர் அகப்பட்டுக்கொண்டனர்.   எவ்வாறிருப்பினும் இந்திய சிறைச்சாலைகளில் இருந்த இலங்கை மீனவர்களின் எண்ணிக்கை தற்போது 70 ஆக குறைக்கப்பட்டுள்ளது.ஏனைய அனைவரையும் விடுதலை செய்து அழைத்து வந்துள்ளோம். அதேபோல் மாலைதீவிலும் சிறைத்தண்டனை விதிக்கப்பட்ட இரு இலங்கை மீனவர்களையும் பொதுமன்னிப்பின் பேரில் விடுதலை செய்து அழைத்து வந்துள்ளோம் என்றார். Thu, 09 Dec 2010 01:54:55 -0600 http://www.globaltamilnews.net/tamil_news.php?nid=33444 http://www.globaltamilnews.net/tamil_news.php?nid=33444   எதிர்வரும் ஜனவரி மாதமளவில் அவசரகாலச் சட்டத்தை முற்று முழுதாக நீக்குமாறு ஐக்கிய தேசியக் கட்சி கோரிக்கை விடுத்துள்ளது.   வெளிநாட்டு முதலீட்டாளர்களை அதிகமாக ஈர்க்க வேண்டுமாயின் அவசரகாலச் சட்டத்தை நீக்குவது மிகவும் அவசியமானதென எதிர்க்கட்சியின் பிரதான அமைப்பாளர் ஜோன் அமரதுங்க தெரிவித்துள்ளார்.   நாட்டில் எஞ்சியுள்ள சோதனைச் சாவடிகளையும் நீக்கி விடுமாறு கோரிக்கை விடுத்துள்ளார். பாராளுமன்ற பிரதேசத்தில் சோதனைச் சாவடிகள் காணப்படுவதாகவும் அவை அகற்றப்பட வேண்டுமெனவும் அவர் சபாநாயகரிடம் கோரியுள்ளார்.   நாட்டில் ஊடக சுதந்திரத்தை உறுதிப்படுத்த அரசாங்கம் நடவடிக்கை எடுக்க வேண்டுமென அவர் குறிப்பிட்டுள்ளார். கைது செய்யப்பட்டு தடுத்து வைக்கப்பட்டுள்ள தமிழீழ விடுதலைப் புலி உறுப்பினர்களுக்கு எதிராக வழக்குத் தொடரப்பட வேண்டும் அல்லது அவர்கள் விடுதலை செய்யப்பட வேண்டுமென அவர் சுட்டிக்காட்டியுள்ளார்.   கடந்த காலங்களைப் போன்று அவசரகாலச் சட்ட நீடிப்பு குறித்த விவாதத்தின் போது குற்றச் செயல்கள் தொடர்பிலான புள்ளி விபரத் தரவுகளை அரசாங்கம் சமர்ப்பிக்க வேண்டுமென அவர் கோரியுள்ளார்.   போதைப் பொருள் வர்த்தகம் நாட்டில் அதிகரித்துள்ளதாகவும் முக்கிய சூத்திரதாரிகள் கைது செய்யாது, கீழ்மட்ட நபர்களே கைது செய்யப்படுவதாகத் தெரிவித்துள்ளார்.   அண்மையில் பாராளுமன்றில் நிறைவேற்றப்பட்ட கசினோ சட்டத்தினால் குற்றச் செயல்களின் எண்ணிக்கையில் அதிகரிப்பு ஏற்பட சாத்தியம் காணப்படுவதாக அவர் சுட்டிக்காட்டியுள்ளார்.     Thu, 09 Dec 2010 01:46:58 -0600 http://www.globaltamilnews.net/tamil_news.php?nid=33443 http://www.globaltamilnews.net/tamil_news.php?nid=33443   பிரித்தானியா தமிழீழ விடுதலைப் புலிகளின் பூமியாக மாற்றமடைந்துள்ளதென மின்வலு மற்றும் எரிசக்தி அமைச்சர் சம்பிக்க ரணவக்கத் தெரிவித்துள்ளார்.   தமிழீழ விடுதலைப் புலிகளிடமிருந்து நாட்டைப் பாதுகாக்க நடவடிக்கை எடுக்கப்பட வேண்டுமென அவர் வலியுறுத்தியுள்ளார். பயங்கரவாத அமைப்மொன்றிடம் பிரித்தானியா மண்டியிட்டுள்ளமை வேதனை அளிப்பதாக அவர் குறிப்பிட்டுள்ளார்.   புதிய தமிழ் நாசிவாதம் ஆரம்பிக்கப்பட்டுள்ளதாகவும் இதற்கு பிரித்தானியா மற்றும் நோர்வே போன்ற நாடுகள் ஆதரவளித்து வருவதாகவும் அவர் சுட்டிக்காட்டியுள்ளார்.   கொத்தணி குண்டுகளை வைத்திருக்கும் பிரித்தானியா போன்ற நாடுகள் எவ்வாறு இலங்கையின் மனித உரிமைகளை விமர்சனம் செய்ய முடியும் என அவர் கேள்வி எழுப்பியுள்ளார். Thu, 09 Dec 2010 02:23:07 -0600 http://www.globaltamilnews.net/tamil_news.php?nid=33442 http://www.globaltamilnews.net/tamil_news.php?nid=33442 வடக்கு கிழக்கில் அகழ்வாராய்ச்சிப் பணிகள் மீளவும் ஆரம்பிக்கப்பட உள்ளதாக அரசாங்கம் அறிவித்துள்ளது. கடந்த மூன்று தசாப்த யுத்தம் காரணமாக வடக்கு கிழக்கில் அகழ்வாராய்ச்சிப் பணிகள் ஸ்தம்பித நிலையில் காணப்பட்டதாக தேசிய மரபுரிமைகள் அமைச்சர் ஜகத் பாலசூரிய தெரிவித்துள்ளார்.   அகழ்வாராய்ச்சிப் பணிகளுக்கு அரசாஙகம், யுனெஸ்கோ மற்றும் தனியார் நிறுவனங்கள் நிதி உதவிகளை வழங்க உள்ளதாகக் குறிப்பிட்டுள்ளார். குச்சவெளி மற்றும் திரியாய் போன்ற பிரதேசங்களில் மிகவும் முக்கியமான மதப் பொக்கிஷங்கள் காணப்படுவதாக அவர் தெரிவித்துள்ளார்.   தேசிய மரபுரிமைகளை அடுத்தத் தலைமுறையினருக்கு பாதுகாக்க வேண்டியது தமது கடமை என அவர் சுட்டிக்காட்டியுள்ளார். Thu, 09 Dec 2010 02:19:12 -0600 http://www.globaltamilnews.net/tamil_news.php?nid=33441 http://www.globaltamilnews.net/tamil_news.php?nid=33441   இலங்கைக்கு எதிரான தேசிய மற்றும் சர்வதேச ரீதியில் மேற்கொள்ளப்பட்;;;;;டு வரும் ஆர்ப்பாட்டங்கள் மற்றும் சூழ்ச்சிகளை தோற்கடிக்க வேண்டுமாயின் நாட்டில் தேசிய ஐக்கியத்தை ஏற்படுத்த வேண்டும் என  தேசிய மொழிகள் மற்றும் சமூக ஒருமைப்பாட்டு அமைச்சர் வாசுதேவ நாணயக்கார தெரிவித்துள்ளார். சிங்களம் மற்றும் தமிழ் ஆகிய இரண்டு மொழிகளையும் மக்கள் பயன்பத்தும் ஆற்றலை பெற்றுக் கொடுப்பது இனங்களுக்கு இடையில் ஐக்கியத்தை அதிகரிக்க பெரும் உதவியாக அமையும் எனவும் அவர் குறிப்பிட்டுள்ளார்.   கொழும்பில் நேற்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார். நாட்டில் ஐக்கியத்தை ஏற்படுத்த வேண்டுமானால் சிங்களம், தமிழ் ஆகிய இரண்டு மொழிகளை பேசும் இயலுமை சிங்கள, தமிழ், முஸ்லீம் மக்களுக்கு இருக்க வேண்டும். இந்த இயலுமையை பெற்றுக்கொடுப்பது மிகவும் முக்கியமானது. இதற்காக துறைக்பு பொறுப்பான அமைச்சு என்ற வகையில் பல நடவடிக்கைகளை திட்டமிட்டுள்ளோம். அரசாங்க ஊழியர்கள் மூன்று மொழிகளை பயன்படுத்தும் வகையில் விரைவான பயிற்சிகளை வழங்குதல்,  அந்த மொழி அறிவை பயன்படுத்துவதற்கான வாய்ப்புகளை ஏற்படுத்தி கொடுத்தல், மொழி பயிற்சி நிலையங்களை ஆரம்பித்தல், பாடசாலை மட்டத்தில் தமிழ், சிங்கள மொழி கல்வி கற்பித்தல்,  இரண்டு மொழிகளையும் கற்பது குறித்து இளம் தலைமுறையினரிடையே அக்கறையை ஏற்படுத்துதல் உள்ளிட்ட நடவடிக்கைகளுக்காக தேவையான செயற்திட்டங்கள் வகுக்கப்பட்டு வருகின்றன.    நாட்டு மக்கள் எதிர்நோக்கியுள்ள பிரச்சினைகள் பற்றியும் பேச வேண்டும். தற்போதைய அரசாங்கம் மக்களுக்கு சார்பான பயணத்தை மேற்கொண்டுள்ளது. வரவு செலவுத் திட்டத்தின் மூலம் கிடைத்த நிவாரணங்கள் போதுமானதாக இல்லை என மக்கள் குற்றம்சுமத்துகின்றனர். இந்த வரவு செலவுத் திட்டத்தில் குறைப்பாடுகள் இருக்கலாம். எனினும் நாட்டின் அபிவிருத்தி, தேசிய பொருளாதாரத்தை வளர்த்தல் போன்ற விடயங்கள் அதில் அடங்கியுள்ளன. இந்த திட்டம் அமுல்படுத்தப்பட்ட பின்னர், மக்கள் எதிர்பார்க்கும் நிவாரணங்கள் படிப்படியாக கிடைக்கும் என நம்புகிறோம். இனப்பிரச்சினைகளை தீர்ப்பது தொடர்பாகவும் தேவையான வேலைத்திட்டங்கள் கிரமான முறையில் உருவாக்கப்பட்டு வருகிறது. வடக்கில் மாகாண சபை ஸ்தாபிக்கப்பட்ட பின்னர், அதற்கு தேவையான வேலைத்திட்டம் நடைமுறைப்படுத்தப்படும் எனவும் வாசுதேவ நாணயக்கார தெரிவித்துள்ளார். Thu, 09 Dec 2010 02:15:48 -0600 http://www.globaltamilnews.net/tamil_news.php?nid=33440 http://www.globaltamilnews.net/tamil_news.php?nid=33440 ஒரு வைத்திய அதிகாரியாக எனது உணர்வுகளைக் கட்டுப்படுத்த நான் பெரிதும் சிரமப்பட்டேன் என  வைத்தியர் தங்கமுத்து சத்தியமூர்த்தி 19.10.2010 அன்று கற்றறிந்த பாடங்களுக்கான ஆணைக்குழு முன் வழங்கிய வாக்குமூலத்தில் தெரிவித்துள்ளார்.   1970இல் பிறந்தேன். கிளிநொச்சி இந்துக்கல்லூரியில் எனது ஆரம்பக் கல்வியைக் கற்றேன். 1991இல் யாழ். பல்கலைக்கழகத்தின் மருத்துவ பீடத்திற்குத் தெரிவானேன். 1998ஆம் ஆண்டு மருத்துவக் கற்கையை நிறைவு செய்து எனது உள்ளகப்பயிற்சியை நுவரெலியா ஆதார வைத்தியசாலையில் ஆரம்பித்தேன். 1999‐2000ஆம் ஆண்டு வரை அங்கு பணிபுரிந்தேன்.   2001 பெப்ரவரியில் கிளிநொச்சி அக்கராயன் மாவட்ட வைத்தியசாலையில் மருத்துவ அதிகாரியாகப் பதவியேற்றேன். 2002 ஒக்ரோபரிலிருந்து 2005 ஒக்ரோபர் வரை கிளிநொச்சி பிராந்தியப் பணிப்பாளராகக் கடமையாற்றினேன்.   2005  ‐ 2006 இல் எனது மேற்படிப்பைத் தொடர்ந்த நான் அதன் பின்னர் கிளிநொச்சி மாவட்ட சுகாதாரப் பணிப்பாளராக நியமனமானேன். அத்தோடு பதில் மருத்துவ மேலதிகாரியாகவும் கடமையாற்றினேன். 15 மே 2009 வரை அதே பதவியைத் தொடர்ந்தும் வகித்தேன்.   2002 இலிருந்து 2005 வரை சமாதானம் தொடர்ந்த காலத்தில் நான் பல்வேறு சுகாதாரப்பகுதியின்அபிவிருத்திக்கான பல திட்டங்களில் ஈடுபட்டப் பணியாற்றினேன்.   அக்காலகட்டத்தில் அரசாங்கத்தின் சமாதான தூதுவர்கள் அடிக்கடி கிளிநொச்சிக்கு ஹெலிகொப்டரில் விஜயம் செய்து கொண்டிருந்தார்கள். அந்தக் ஹெலிகொப்டர்கள் கிளிநொச்சி றொட்றிகோ மைதானத்தில் வந்து இறங்கும். அதில் வந்து இறங்குபவர்கள் இலகுவாக தமது பயணத்தைத் தொடரும் வகையில் ய9 வீதியின் போக்குவரத்து தடை செய்யப்படும். இந்த நிகழ்வுகள் எனக்கு மகிழ்வைக் கொடுத்தன. இவை சமாதானத்தை அடைவதற்கான சமிக்ஞைகள் எனவே நான் நினைத்தேன்.  சில சிங்கள வைத்தயர்கள் அக்காலகட்டத்தில் இங்குபணிக்காக வந்திருந்தார்கள். தெற்கிலிருந்து வந்த பல குழுக்களுடன் இணைந்து நான் நடமாடும் மருத்துவ முகாம்கள் பலவற்றை நடாத்தி இருக்கின்றோம்.   சிங்களவரா தமிழரா என்ற வேறுபாடு இன்றி எனது குழந்தைப்பருவம் முதலே எனக்கு நண்பர் ஒருவர் இருந்திருக்கிறார். ஆனால் நான்கு ஐந்து வருடங்கள் கடந்து சென்றதும் ஒவ்வொருவருடைய அடையாளமும் தமிழராகவும் சிங்களவராகவும் மாறிப் போய்விட்டது.   அவர் என்னிலிருந்து வேறானவர் ஏனெனில் அவர் சிங்களவர் என நான் சரியாகவோ தவறாகவோ உணர ஆரம்பித்தேன்.   எனக்கு ஞாபகமிருக்கிறது எனக்கு ஏழு வயதாக இருக்கும் போது  முன்னாள் ஜனாதிபதி ஜே.ஆர்.ஜெயவர்த்தனாவின் புகைப்படத்தைத் தாங்கிய தேர்தல் விஞ்ஞாபனத்தைப் பார்வையிட்டது. அதனுடைய இரண்டாவது பக்கத்தில் இருந்த போரும் சமாதானமும் என்ற தலைப்பு எதிர்வரப் போரும் போரையும் கட்டியம் கூறியது. அது எனது இளம் மனதில் பலத்த அச்சத்தை ஏற்படுத்தியது.  ஏனெனில் நான் வன்முறையை வெறுத்தேன்.   தொடர்ந்த வருடங்களில் இராணுவமயமாதல் வளர்ந்து சென்றது. எனது சிரேஷ்ட மாணவர்கள் ஆயுத இயக்கங்களில் இiணைந்து கொண்டமை எனக்கு கடும் அதிர்ச்சியையும் கவலையையும் ஏற்படுத்தியது. என்னைப் போன்ற விவசாயக்குடும்பத்தில் இருந்து வந்த ஒருவர் அகிம்சை வழிமுறை மீதும் விழுமியங்கள் மீதும் நம்பிக்கை கொண்டவராகவே வளர்க்கப்பட்டிருப்பார். அந்தவகையில் நான் உண்மையாகவே சமாதான விரும்பியாகவும் அதனை நேசிப்பராகவும் வன்முறையை பேச்சிலும் செயலிலும் கடுமையாக எதிர்ப்பவராகவுமே இருந்து வந்தேன்.   எனது பல்கலைக்கழக வாழ்க்கைக் காலத்தில் நான் இரண்டு இடப்பெயர்வு அனுபவங்களைச் சந்தித்தேன். முதலாவது 1995இல். வலிகாமம் பகுதியைச் சேர்ந்த அனைத்து மக்களும் சாவகச்சேரி மற்றும் வன்னியை நோக்கி இடம் பெயர்ந்தனர். அதன்போது தெருவில் சனநெரிசலில் சிக்குண்டு மிதிபட்டு இறந்த முதியவர்கள் பலரின் சடலங்களை அங்கு நான் கண்டேன். இறுதிக்கிரியையைச் செய்யக் கூட தான் வக்கற்று இருப்பதாக தனது மனைவியின் சடலத்திற்கருகில் இருந்து அழுது கொண்டிருந்த ஒரு மனிதரைக் கூட நான் அப்போது கண்டேன். அவர் தனது கடமையை நிறைவேற்ற எம்மாலான ஒத்தாசையை வழங்கினோம்.   1997இல் கிளிநொச்சி நகரிலிருந்து எமது அயலவர்கள் உட்படப் பெருமளவானோர் இடம் பெயர்ந்தனர். எங்களது மிகநெருங்கியஉறவினர் ஒருவர்ஷெல் தாக்குதலில் உயிரிழந்தார். பலர் படுகாயமடைந்தனர். அவர்களில் ஒருவருக்கு முள்ளந்தண்டில் காயமடைந்து நிரந்தரமாகவே உடல்பாகங்கள் செயலிழந்தரவானார்.   2008ஆம் ஆண்டின் செப்ரம்பர் ஒக்ரோபர் மாதங்களில் கிளிநொச்சியையும் அதன் பல பகுதிகளையும் சேர்ந்த மக்கள் விஸ்வமடு மற்றும் தர்மபுரத்தை நோக்கி இடம் பெயர்ந்தனர். ஜனவரி 2009இல் அவர்கள் மீளவும் உடையார்கட்டை நோக்கி இடம் பெயர்ந்தனர். பெப்ரவரி 2009இல் இவர்களில் பெரும்பாலானோர் புதுமாத்தளன் மற்றும் முள்ளிவாய்க்கால் நோக்கி இடம் பெயர்ந்தனர்.  பொதுமக்களின் இடப் பெயர்வோடு சேர்ந்து வைத்தியர்களும் வைத்தியசாலை ஊழியர்களும் இடம் பெயர்ந்தனர். இடம்பெயர்ந்த பிரதேசங்களில் தற்காலிக வைத்திய சாலைகளை அமைத்து பெருமளவில் வைத்தியசாலையின் எல்லா ஊழியர்களும் அர்ப்பணிப்போடு பணியாற்றினர்.   இப்போது மீள நினைத்துப் பார்க்கையில் மிருகங்களைவிடவும் கேவலமான வருந்தத்தக்க  ஒரு நிலையில் உயர்வாழ்வதற்காக மிகவும் சிரமப்பட்டிருக்கிறோம். அச்சம் அழுந்துதல் உயிரிழப்பு அல்லது உடல் ஊனம்இ பட்டினிஇ அசுத்தம்இ  சுற்றிலும் இறந்து சடலங்கள்இ உயிரிழந்து கொண்டிருக்கும் விலங்குகள் என அந்தச் சூழலை விபரித்தல் சாத்தியமில்லை. இத்தகைய சூழலில் ஒரு ஏழை விவசாயி எப்படி வாழ்தல் இயலும்.  பெரும்பாலானோருக்கு ஒரு நேர உணவு கிடைப்பதே பெரும் பாடாக இருந்தது. அதனை விடவும் துயரமானது தண்ணீரைப் பெறுவது. மலசலகூடங்கள் அறிறிருந்தது மிகப்பெரும் பிரச்சினையாக இருந்தது. குறிப்பாகப் பெண்களைப் பொறுத்தவரை திறந்த வெளியிலேயே எல்லாவற்றையும் நிறைவேற் வேண்டியதாக இருந்தது. ஒரு வைத்தியர் என்றளவில் நான் இந்த மிகப் பெரும் மித அவலத்திற்கு கண்கண்ட சாட்சியாக நான் இருப்பது குறித்து துயருற்றேன்.   இந்த அதிர்ஷ்டமற்ற மக்களி;ன் உள நெருக்கடி காரணி குறித்தும் சுகாதாரப் பிரச்சினைகள் குறித்தும் நான் கலக்கமடைந்தேன். முதலில் ஒரு வைத்தியராகவும் பின்னர் ஒரு இரக்கமுள்ள மனித ஜீவியாகவும் நான் அழுத்தத்திற்கும் நெருக்கடிக்கும்  ஆளானேன்.   ஜனவரி 2009இன் பிற்பகுதியில் நாளாந்தம் காணமடைந்த பொதுமக்களை வைத்தியசாலைக்கு எடுத்து வந்தார்கள். அங்கிருந்த வசதிகளைக் கொண்டு அவர்களுக்கு சிகிச்சை அளித்தோம். பின்னதாக தரைப்பாதை வழியாக பெரும்பாலானவர்களை வவுனியா வைத்தியசாலைக்கு அனுப்பி வைத்தோம்.   பெப்ரவரி 2009இன் ஆரம்பத்தில் பொதுமக்களோடு நாமும் இடம் பெயர்ந்து புதுமாத்தளனில் ஒரு தற்காலிக வைத்தயசாலையை ஆரம்பித்தோம். சுகாதார அமைச்சுக்கு மருத்துவப் பற்றாக்குறை பற்றி நாம் அறிவித்தோம். தரைவழிப்பாதை மூடப்பட்டதும் அமைச்சு செஞ்சிலுவைச்சங்கக் கப்பலில் அனுப்ப முயன்றது. மருந்துகள் கிடைத்ததும் முடிந்தளவிற்கு பொதுமக்களுக்கு சிகிச்கையளித்ததோடு  காயமடைந்தவர்களை உடனடியாகவே சர்வதேச செஞ்சிலுவைச் சங்கக் கப்பலில்  திருமலை வைத்தியசாலைக்கு அனுப்பி வைத்தோம்;. வருத்தம் வரும் வகையில் பெருமளவானோர் தமக்கு போதுமான மருத்துவ வசதி கிடைக்கும் வகையிலான வைத்தியசாலைகளுக்கு மாற்றும்படி செஞ்சிலுவைச்சங்கத்தினரை கெஞ்சினார்கள்.  பெருமளவான மக்கள்  இந்தக் கோரமான போரை நிறுத்தும்படியும் நிரந்தரமான சமாதானத்தை கொண்டு வரும்படியும் கடவுளிடம் வாய்விட்டே கதறினார்கள். கடவுள் மீதான நம்பிக்கைகளையும் அவர்கள் இழந்தார்கள். ஒரு வைத்தியர் என்றளவில் நான் எனது உணர்வுகளை கட்டுப்படுத்த முயன்றேன். ஆனாலும் ஒரு மனிதஜீவி என்றளவில் நானும் உளச் சோர்வுக்கு ஆளானேன்.    எனது மனதின் ஓர் முலையில் கிடந்த ஒரு வைத்தியராக நான் மேற்கொண்ட சத்தியப் பிரமாணத்தின்படி மற்றைய வைத்தியர்கள் போல அந்தச் சூழ்நிலையில் என்ன செய்யமுடியுமோ அவற்றை நான் செய்தேன்.   காயமடைந்த ஒரு வயதான பெண்மணிக்கு சிகிச்சை அளித்துக் கொண்டிருந்த வைத்தியத் தாதி ஒருவர் கொல்லப்பட்ட போது நான் மிகவும் மன அழுத்தத்துக்கு ஆளானேன். இந்தச் சம்பவத்துக்குப் பிறகும் வைத்தய அதிகாரிகள் மற்றும் அலுவலர்கள் தொடர்ந்தும் ஓய்வின்றியும் பணியாற்றினார்கள். அத்தோடு  பலர் தொண்டர் அடிப்படையில் பணியாற்றினார்கள். அவை மறக்கப்படவோ பதிவு செய்யப்படாமல் விடுபட்டப் போய்விடவோ நாம் அனுமததித்தலாகாது.   நான் இப்போது திரும்பிப் பார்க்கிற போது எவ்வளவு தான் ஒருவர் முயன்றாலும் கூட அந்தச் சூழல் அவரை இழுத்துச் சென்றுவிடும். அதற்கு நானும் விதிவிலக்கல்ல என்பதை. ஒரு வைத்தியர் என்பதற்காக அது எத்தகைய தனிப்பட்ட உரிமைகளையும்; தந்துவிடாது.   சிறுவயது முதலே நான் ஈடுபாடு கொண்டிருந்த சமாதானம் குறித்து மோதல் பிராந்தியத்தில் இருந்து திரும்பிப் பார்க்கிற போது எனக்குக் கிடைத்த முக்கியமான பாடம் என்னவெனில் எவருடைய ஈகோவுக்காகவோ அன்றி அகங்காரத்துக்காகவோ மோதலை முடிவுக்கு கொண்டு வந்து நிரந்தரமான சமாதானத்தை அடையும் முயற்சியை எக்காரணம் கொண்டும் கைவிடக்கூடாது என்பதாகும். நான் உறுதியாக நம்புகிறேன் எந்த வடிவிலான மோதல் எனினும் அது சமூகத்தை சீரழித்து விடும் என்றே.   எதிர்காலத்தில் நாம் எல்லோரும் சமூகத்தின் உண்மையான இனநல்லிணக்கத்தற்காகவும்  போரால் சிசிலமடைந்திருக்கும் எங்களுடைய தேசத்தைக் கட்டி எழுப்புவதற்காகவும் உழைக்க வேண்டும் என்றே கருதுகிறேன்.    தமிழில் ஜிரிஎன். Thu, 09 Dec 2010 02:11:33 -0600 http://www.globaltamilnews.net/tamil_news.php?nid=33428 http://www.globaltamilnews.net/tamil_news.php?nid=33428  இலங்கை மற்றும் மேற்கிந்திய தீவுகள் அணிகளுக்கு இடையிலான சர்வதேச ஒருநாள் போட்டித் தொடர் ஒத்தி வைக்கப்பட்டுள்ளது. இலங்கையில் நிலவி வரும் சீரற்ற காலநிலையை கருத்திற் கொண்டு இரு நாட்டு கிரிக்கட் நிர்வாகங்களும், இந்தத் தீர்மானத்தை எடுத்துள்ளன.   எதிர்வரும் ஜனவரி மாதத்தில் இந்த ஒருநாள் போட்டித் தொடரை நடாத்துவதற்கு திட்டமிடப்பட்டுள்ளது. இதன்படி ஐந்து சர்வதேச ஒருநாள் போட்டிகளைக் கொண்ட இந்தத் தொடர் தற்காலிகமாக ரத்து செய்யப்பட்டுள்ளது.   ஹம்பாந்தோட்டை புதிய கிரிக்கட் மைதானத்தில் முதல் இரண்டு போட்டிகளும் நடத்தப்படவிருந்தமை குறிப்பிடத்தக்கது. மழை காரணமாக இரண்டு அணிகளும் பயிற்சிகளை மேற்கொள்ள முடியாத நிலைமை ஏற்பட்டதாகத் தெரிவிக்கப்படுகிறது. இரு அணிகளுக்கும் இடையில் நடைபெற்ற டெஸ்ட் போட்டித் தொடரும் மழை காரணமாக வெற்றி தோல்வியின்றி நிறைவடைந்தது. Wed, 08 Dec 2010 16:49:06 -0600 http://www.globaltamilnews.net/tamil_news.php?nid=33427 http://www.globaltamilnews.net/tamil_news.php?nid=33427 பொதுவான புற்று நோய்களினால் ஏற்படக் கூடிய மரண அபாயங்களை குறைப்பதற்கு அஸ்பிரின் மாத்திரைகளை பயன்படுத்த முடியும் என பிரித்தானிய மருத்துவு ஆய்வாளர்கள் சுட்டிக்காட்டியுள்ளனர்.   75 மில்லி கிராம் எடையுடைய சிறிய அஸ்பிரின் மாத்திரையை தொடர்ச்சியாக உட்கொள்வதன் மூலம் மரணம் சம்பவிக்கும் விகிதத்தை குறைக்க முடியம் என தெரிவித்துள்ளனர். பிரித்தானியாவைச் சேர்ந்த 25,000 நோயாளிகளிடம் பரிசோதனை நடத்தப்பட்டுள்ளது.   புற்று நோய் மற்றும் பக்கவாதம் ஆகிய நோய்களையும் அஸ்பிரின் மருந்து கட்டுப்படுத்தும் என தெரிவிக்கப்படுகிறது. அஸ்பிரின் மாத்திரைகளை உட்கொள்வதனால் வயிற்றுக்கு பாதிப்புக்கள் ஏற்படக் கூடும் எனவும், பக்க விளைவுகள் ஏற்படக் கூடும் எனவும் எச்சரிக்கை விடுக்கப்பட்டுள்ளமை குறிப்பிடத்தக்கது.   அஸ்பிரின் மாத்திரையை உட்கொண்ட புற்று நோயாளிகளின் உயிரிழக்கக் கூடிய சாத்தியம் 25 வீதத்தினால் வீழ்ச்சியடைந்துள்ளது. ஒக்ஸ்பொர்ட் பல்கலைக்கழகத்தின் மருத்துவ ஆய்வாளர்கள் இந்தத் தகவல்களை வெளியிட்டுள்ளனர். Wed, 08 Dec 2010 16:46:55 -0600